Full poengpott for NBK

NBK-trenar Roger Kvande seier dei ikkje har gjort så mykje ulikt frå i fjor, men at dei har halde fram med å fokusera på dei same tinga.
? Skilnaden er vel at me i år har fått utteljing for dette, seier Kvande.
Resultatet er i alle fall at dei slepp inn lite mål, samstundes som dei får utteljing i andre endren av bana.

Kampen tysdag kveld låg og vippa til eit stykke ut i andre omgang, då NBK drog i frå gjestane, fortel Kvande.
? Fyllingen 2 var som forventa eit ballsikkert og spelande lag. Dei låg til tider høgt på midtbana, noko som gav oss moglegheiter på overgangane, seier trenaren.
Gjestane hadde med seg fleire spelarar frå A-laget, og stillte altså med eit sterkt mannskap. Mohammed Kamara skåra tidleg i 1. omgang. 1 - 0 var også pauseresultatet.
I andre omgang utlikna Fyllingen 2, før NBK fekk straffe. Den sette Roy Pettersen i mål. NBK hadde så nokre fine angrep, og det førte til 3 - 1-skåring ved Yngve Njøten, 4 - 1 ved Roy Pettersen og 5 - 1 ved Yngve Njøten. Dermed kan NBK trona på toppen av tabellen med 12 poeng, same poengsum som Djerv på andre plass. Djerv har altså også starta sesongen godt, men har eitt mål dårlegare målskilnad enn NBK.