Fullpakka Asgeir-show

Med raudt hår, og eit stort smil sprang Asgeir inn på scena framfor eit hylande publikum. Det første han gjorde var å visa ungane kor tid dei skulle skrika. Ein arm opp for skrik, og to armar opp for endå meir skrik.
Han fekk publikum med på song, dans og anna moro, og mange vaksne såg ut til å kosa seg vel så mykje som borna.

Før Asgeir kom, var sentersjefen på scena for å ønskja velkommen. Han bad om at alle dei vaksne skulle trekkja bakover, slik at alle borna skulle få sjå. Om dei vaksne ikkje kunne gå i frå ungane sine, burde dei setje seg ned på golvet, slik at dei bak også fekk sjå showet. Dessverre var det mange som ikkje overheldt dette. Mange vaksne sette ungane på skuldra, slik at det vart ein slags vegg av ryggar og bakhovud lagt framme. Difor vart mange born ståande bak, og fekk kanskje berre eit lite glimt av hovudpersonen.

Asgeir er ein kjent og kjær barne-tv person for mange. Han er alltid full av energi, og er alltid blid og fornøgd. Tre av tilskodarane fortel at dei ikkje brukar å sjå på Asgeir når han er på tv. Sofie Valestrand (11) , Katrine Hansen (snart 11 år) og Steffen Skjelvik (10) seier at sjølv om dei ikkje er trufaste sjåarar, er det veldig kjekt å vera her likevel.
? Det er gøy å vera her. Han er jo morosam, seier dei.
Då showet var ferdig, vart det signaturskriving til den store gullmedalje på Asgeir.