Giftig røyk frå brann i Kjevikdalen

? Røyken frå ei slik fylling er nok farlegare enn ved ein vanleg husbrann. Det er snakk om metan. Dette var me obs på for mannskapa våre. Dei som måtte opp i fyllinga, tok på seg røykdykkardrakter, seier vakthavande befal i Lindås og Meland brannvern, Leif-Atle Træland.
Kring 15 brannfolk deltok i sløkkinga i lag med folk frå NGIR. Brannen vart sløkt ved god hjelp av gravemaskin og hjullastar som NGIR sjølv brukar på fyllinga. Ved 19.30-tida var det aller meste sløkt.

Første gongen
Det vart full utrykning med både politi, sjukebil og brannbilar då brannen vart meldt kl. 18.10. Etter det Strilen får opplyst, var det ein sjåfør i NGIR som oppdaga at det hadde tatt fyr.
Folk i NGIR tok seg av ettersløkking og brannvakt til om lag kl. 03.00 på natta. I går ettermiddag såg brannvernet ingen fare for oppblussing.
Ones har vore ved NGIR sitt anlegg i åtte år, og han seier at det er første gongen anlegget har hatt ein brann i fyllinga. Han viser elles til at bossanlegget på Osterøy hadde ein brann i si fylling som gjekk så djupt at det tok kring 14 dagar å sløkkja.
For nokre år sidan var det brann i dumpa bilar Kjevikdalen, etter alt å døma påsett.
? Brannen i fyllinga kan ikkje ha vorte påsett. Det må vera snakk om sjølvantenning, opplyser Leif Atle Træland.
Evakuering av hus grunna giftig røyk var aldri diskutert, ettersom brannen var sløkt etter kort tid.
Det vart ei tid vurdert å stengja riksveg 57 på staden, men dette vart ikkje nødvendig.

Hukka tjuvar
At NGIR hadde brannvakt, førte og til at tre bensintjuvar frå Baltikum vart tatt på fersk gjerning. Dei tre gjekk over gjerdet i Kjevikdalen og hadde fått slangar ned i tanken på ein av NGIR-bilane, melder BA sit nettavis. Då NGIR sine folk oppdaga dette, var politiet raskt tilkalla. Lensmannen sine utsendingar tok dei tre, som er i alderen 24-28 år, i terrenget ved bossanlegget.