Gjekk heilt til topps i portrettklassen

Paul Bernhard fekk sølvmedalje og vann portrett-klassen med eit bilde av den kanadiske musikaren Daniel Lanois.
? Eg har vunne før og, men det er sjølvsagt stas å gå til topps nok ein gong, seier Paul Bernhard til Strilen.
Denne årlege konkurransen er den mest prestisjetunge for norske fotografar.
Det synlege beviset på prisen er ein plakett, som Bernhard fekk overrekt fredag. Bildet vil seinare denne månaden verta utstilt i Fotografiens Hus i Oslo.

Vart spurd
Bernhard fortel at Daniel Lanois er ein kjend musikar som både har gjeve ut eigne plater og har jobba med store namn som U2 og Bob Dylan. Han har og fått Grammy-prisar i USA. I fjor var han i Bergen i samband med musikkfestivalen Bergen Fest. Då såg han bilde som Bernhard hadde utstilt på Hotell Neptun, og så tok han kontakt og lure på om Bernhard kunne tenkja seg å ta portrett-bilde av han. Og det kunne Bernhard sjølvsagt
? Me skal kanskje halda fram samarbeidet og, seier han.

Fire bilde
Det er ikkje første gong Bernhard har teke bilde av musikarar, og han har mellom anna delteke på fotoutstillingar i Italia med godt resultat.
Totalt hadde Paul Bernhard med fire portrett i konkurransen.
? Sant og seia tykkjer eg andre av bilda mine var betre enn det som fekk førsteprisen, men det er juryen som avgjer, seier han.
Bernhard kom på fjerdeplass totalt i konkurransen som omfattar sju ulike klassar.
I alt var 166 fotografar med til saman 637 bilde med i konkurransen.

Her er vinnarbiletet: