Strilen Glade gutar klare for Stones

Glade gutar klare for Stones

? Me fekk tak i billettar og gler oss verkeleg til konserten med Rolling Stones! Henning Haugland (til venstre) og brørne Olav Kåre (til høgre) og Roald Vatnøy har garantert kryssa av for tysdag 06.06.06 kl. 17.00 i kalenderen. Då vert alle potensielle forretningar garantert lagt til sides.

Av Hans Egil Storheim

Publisert 15.12.05 00:00
Endret 20.08.07 10:49

Roald Vatnøy fortel at han sikra seg kølapp på Posten kl. 09.00 og kom som nummer 11 i køen. Dei dyraste billettane hadde gått, men det legg ingen dempar på humøret. Vatnøy opplyser at han sikra seg seks billettar, som var det meste ein person kunne kjøpa.

Og på spørsmål om billettane er til sals, er svaret eit kort, kjapt og veldig bestemt «Nei»!

? Kva årstal er så leiaren i gruppa, Mick Jagger, fødd i?

? Det må vel verta 1942? kjem det litt nølande til svar frå dei tre etter ei kort betenkningstid. Har er jo 62 år!

Dermed skulle det rette svaret 1943, året før dei eldste av dei tre karane, Olav Kåre Vatnøy, vart fødd.

? Eg meiner det må ha vore i 1962 me første gongen høyrde ein låt av Rolling Stones, kjem dei to Vatnøy-brørne til. Uansett var det ikkje tvil: Stones-billetane hadde sikra ein solid opptur på dagen. Ifølgje BT si nettside var billettane utselde i løpet av 31 minuttar.