Gløymde å setja på land 12-14 bilar i Sløvåg

? Dette skal ha skjedd tidlegare, utan at eg har opplevd det sjølv, seier ein av pendlarane på Fensfjordsambandet, Tor Kåre Nilsen.
Han seier at det var arbeidsfolk frå fleire firma som var vart råka av tabben, etter det han kjenner til også folk som skulle vidare med ferje over Sognefjorden.
? Mange tok til å lura på kvifor det tok så lang tid før mannskapet ville slappa oss i land. Då eg gløtta ut, forstod eg at me var gløymde og at ferja var på full fart frå Sløvåg. Ferja hadde passert det me kallar brenneriet hjå Halsvik Wergeland før tabben vart oppdaga og ferja tok til å snu. Og dermed tok det si tid før bilane under dekk kunne koma på land der dei skulle.
Nilsen seier at han valde å «telja til 100 fleire gonger», utan at han gjekk og sa noko til mannskapet. Men han reknar med at det var andre som gav klar melding om kva dei meinte om verta gløymde og koma for seint på jobb og til ulike oppdrag.