Hærverk ved Leiknes skule

? Eg veit ikkje korleis det har vorte gjort, men at det er gjort med vilje er i alle fall heilt sikkert, seier fungerande rektor Bjørg Toftevåg. Ho er fortvila over det som har skjedd og fortel at av alle hærverkstilfella dei har hatt på skulen, er dette det verste. I tillegg til alle dei knuste vindaugo i inngangspartiet, var skuleplassen tilgrist av ølflasker og knuste blomsterurner.
? Trur du det kan ha nokon samanheng med at nokon ikkje unner dykk ny skule?
? Nei, det kan eg aldri tenkja meg, for dette er som sagt ikkje noko nytt for oss, seier ho.
? Har de aldri oppklart nokon av dei tidlegare hærverkstilfella heller?
? Nei, diverre. Det er litt for skjult her til at me får tatt dei på fersken, seier ho.
Om dei tidlegare hærverkstilfella fortel ho at det blant anna har vorte knust vindauge både i sløydsalen og i eit skur på skuleplassen. Ein gong fann dei snora til flaggstanga oppe i eit tre, og ein annan gong hadde dei slite sund nokre leidningar som gjekk langs overbygget til inngangen.
Kor mykje hærverket vil kosta kommunen og om saka er meld til politiet, var det ikkje råd å få greie på ved Lindås kommune før avisa gjekk i trykken.