Hansa-stipend til kraftplugg frå Radøy

Alexander Steinsland er sterkare enn dei fleste. På eit stemne i Oslo i desember i fjor sette han verdsrekord i benkpress med 225 kilo i 125 kiloklassen i aldergruppa 14 ? 18 år. For denne prestasjonen vart han denne veka tildelt Hansa-stipend på 10.000 kroner. Tildelinga skjedde under årsmøtet til Idrettsrådet i Bergen, som stod bak tildelinga.
I utgangspunktet skal stipendet går til lovande, unge utøvarer frå Bergen, men Steinsland representerer Bergen styrkeløftklubb.
Steinsland var den einaste som fekk dette stipendet, medan fire andre utøvarar fekk utviklingstipend på 5000 kroner.

Ny drakt
På spørsmål frå Strilen om kva han skal bruka dei 10.000 kronene til, svarar Steinsland.
?Ny drakt, og elles til kosttilskot og anna eg treng i treninga.
Styrkeløftarane har ei spesiell og tettsitjande drakt som er til hjelp under løftinga.
Alexander Steinsland er sjølvsagt svært glad for stipendet. Og han har ikkje tenkt å kvila på laurbæra. Alt i slutten av juni skal han prøva å setja ny norgesrekord med 233 kilo, men då i klasse junior, som er aldersgruppa 19? 23 år.
? Alexander er ein utruleg talentfull utøvar som har hatt stor framgang, og ein skal ikkje utelukka at han om eit par år kan ta verdsrekorden for junior og. Den er på 260 kilo, seier Tore Engevik til Strilen.
Han er styreleiar i klubben, som er den største i styreløftklubben i landet med 400 medlemer.