Heider til idrettsutøvarar

Emil André, som har gjort det sterkt blant anna på 800 meter i 15-årsklassen, fekk årets tildeling på 2000 kroner frå Cato Plettens Minnefond. Han fekk tildelinga frå Reidun og Helge Pletten, som miste sonen og idrettstalentet Cato i ei traktorulukke då han var berre 17 år. Erstad fekk også eit stipend på 5000 kroner frå kommunen.

Raskare enn Rodal
? Det stemmer vel at du spring like fort på 800 meter som Vebjørn Rodal gjorde på din alder? ville ordføraren ha stadfesta.
? Det stemmer det! forsikra Erstad, som etterpå også forsikra Strilen at han var glad for å verta heidra på denne måten.
? Eg kjem til å satsa hardt vidare, med tøffare treningsøkter. Det første målet er å koma til ungdoms-OL i Beograd neste sommar. Kravet er blant anna 1.54.0 på 800 meter og fire minutt på 1500 meter. Det vert tøft, men det kan gå, seier Emil André Erstad.
På 1500 meter har han per i dag ein personleg rekord på 1.57.86. Fristen for å når 1.54.0 og kvalifisera seg er 7. juni 2007.

Satsar mot Beijing 2008
Tommy Urhaug sin siste VM-innsats i bordtennis vart heidra med eit stipend frå kommunen på 8000 kroner. Urhaug har frå før 1000 kroner månaden i støtte frå kommunen fram til neste OL.