Held fram Pink Floyd-suksessen

I helga var det Pink Floyd-fansen i Sogn og Fjordane som fekk besøk av bandet som er oppattkalla etter to av albuma til Pink Floyd. Torsdag spela dei for tre hundre i Førdehuset, fredag i Sogndal Kulturhus og laurdag i Årdal Kulturhus.
? Eigentleg burde me vera varme i trøya etter kvart, men det rare er at me føler oss på eksperimentstadiet framleis, seier Bjarte Aasmul, som saman med Kai Taule, Dag Øivind Rebnord og Helge Nyheim utgjer gruppa. Og det dei kallar eksperimentering, er til dømes å halda rockekonsertar for eit sitjande publikum.
? Korleis det ville gå, var me grådig spente på, men no trur me at me vil ta det med oss vidare til kva me finn på som neste prosjekt, seier Aasmul.
Men først skal dei ha konsert i Bømlo kulturhus, tre nye førestillingar på Rick´s teater 11., 12. og 13. mai der det heile starta. Og i sommar tek dei like godt showet med seg til Rockefeller i Oslo.