Helore er finast i landet

Harald Kolstad har all grunn til å vera stolt av kyrene sine.  I helga sikra Radøybonden seg to prestisjetunge prisar. 125 kyr frå heile landet var med på den årlege utstillinga, men ingen av dei kunne hamla opp med Helore frå Radøy. Dommarane var ikkje i tvil. Radøykua har alt ein kan ønskja seg. Fin kropp, flotte bein, vakre rørser og stort jur.

Overraska
Dyrsku`n i Seljord er ei av dei største messene i landet. I år var over 70.000 mennesker innom arrangementet. Konkurransen om premiane er tøff. Dyra som er med er blant dei beste landet.
Kolstad stilte med to kyr. Begge fekk premie. Helore var den gjevaste prisen og vart ?Best in show?.
Den andre kua vann sin klasse. Kolstad vart svært overraska over dei gode plasseringane.
? Eg hadde ikkje forventa at Helore kom til å gjera det så bra. Det er ikkje så lenge sidan ho kalva og kroppen hennar ber enno litt preg av det, seier han.
Turen til Seljord var lang. Men 40 mil på hengar plaga ikkje Helore.
? Ho tok reisa med stor ro, forsikrar Kolstad. Han fortel at kua er snill som eit lam.
? Me har trent ein del på førehand. Eg har leidd ho litt rundt og øvd på det som skal skje, seier han.

Hårgele i halen
Kua fekk seg også ein grundig vask før utstillinga. ? Eg trur ho likte å pynta seg. Eg vaska ho gullande rein frå topp til tå, seier Kolstad.
Det er viktig at dyra tar seg best mogleg ut på utstillingsdagen.
? Kyrene får faktisk hårgele på halen, seier Kolstad og ler. Han fortel at geleen vert brukt ytterst på halen for å få håra til å stå rett ut.

God stamtavle
Premiekua til Kolstad har også orden på stamtavla. Helore er av rasa Brown-Swiss og vart importert frå Tyskland som befrukta egg. Slektningane hennar er høgt premierte i Tyskland. Helore er faktisk oppkalla etter ein av slektningane sine. Den unge kua har alt skaffa eigaren 3 døttre. Ein av kalvane har Helore født sjølv, medan dei andre er fødd av surrugatmødre. Dermed skulle framtida vera sikra.
Kven veit. Kanskje kjem det fleire premiekyr frå Radøy?