Hjortar på bølgjan blå

Derfrå har Strilen fått tilsendt dette fotoet av eit litt uvanleg sjømerke, som båtmannskapet oppdaga i dag tysdag.

Ved sokkelen på ei stang i Sognefjorden står det to hjortar, som etter alt å døma tok seg ein pause i fjordkryssinga.

Både passasjerane og mannskapet, Karstein Elnes og Rita Birknes Stendal, gjorde naturleg nok store auge.

– Ofte ser me niser, kval, ørn og laks som hoppar, og mykje anna flott frå dyreriket når me er i fart, men noko slikt har me aldri sett, skriv mannskapet i ein e-post til Strilen.

Dei viser til at det i Alverstraumen står ein hundefigur på eit skjer, men at Gulen no kan skryta av levande hjortar på skjera sine.

– Men me håpar sjølvsagt at dyra kjem seg vidare etter å ha kvilt seg. Difor snakka me med folk i området som hadde tilgang til båt, og som skulle ha eit auga med dei to hjortane, legg mannskapet til.