Hunskår fekk Nidarosprisen

Prisen vert tildelt allmennmedisinarar som har gjort ein framragande innsats for utviklinga av faget gjennom utdanning, infor- masjon og fagutvikling, går det fram av ei pressemelding.
Hunskår får prisen for initiativet til å få skrive og utgjeve ei lærebok i allmennmedisin. Han gjorde eit nybrottsarbeid som redaktør for læreboka «Allmennmedisin klinisk arbeid».
Læreboka kom ut for første gong i 1997 og i ny og revidert utgåve i 2003 med tittelen «Allmennmedisin». Boka er flittig brukt og nærmast ein bibel for allmennlegar.
Nidarosprisen er på 15.000 kroner. Hunskår vart også tildelt eit grafisk trykk av Grete Marstein, årets Nidaroskunstnar.
Hunskår har jobba ved Seksjon for allmennmedisin ved Institutt for samfunnsmedisinske fag ved Universitetet i Bergen sidan 1986. Han har også fått fleire andre prisar, blant anna Meltzerprisen for unge forskarar i 1989 og ein nordisk forskarpris i 2001.
Steinar Hunskår skriv legespalta i Strilen kvar laurdag.