Hus brann ned på Myking

? Det var eit par som budde i huset, men berre ho var heime og kom seg ut i god behald, opplyser vakthavande Terje Fauske i Lindås og Meland brannvern til Strilen laurdag føremiddag.
Brannen vart meldt om lag kl. 18.15, og Fauske seier at brannbilen frå Lindås stasjon var på plass etter knapt 20 minuttar. Dei som rykte ut frå Knarvik, var på plass om lag ti minuttar seinare.
? Men huset var overtent og kunne ikkje reddast. Me konsentrerte oss i første runde om å hindra at det tok fyr i nabohuset, som vart utsett for eit kraftig gnistregn på grunn av den sterke vinden fredag kveld, seier Fauske.
Han seier at det vert meldt om kraftig lyn og torden då brannen oppstod. Difor er det naturleg å gå ut frå at det er lynnedslag som har årsaka brannen.