Ingen suksess med billigtomter

For å lokka nye innbyggjarar til kommunen prøvde Masfjorden seg hausten 2002 med å selja kommunale tomter på auksjon. Det vart lokka med at ein kunne få  ei utbyggingsklar tomt til ei krone, og saka fekk ein del merksemd i media.
Fire tomter vart selde, ei i ytre Haugsdal, ei på Hosteland, ei på Solheim og i ei i byggjefeltet Skolten på Kvingo. To av tomtene gjekk for ti kroner, dei andre for ein del meir.
Tre år etter at tomtene vart selde, har ingen av kjøparane bygt hus på dei. Og i kjøpsavtalen var det ein klausul om at kommunen kunne kjøpa tilbake tomtene for same summen som dei vart selde for. No har kommunen kontakta kjøparane og gjort merksam på at fristen er gådd ut for tre av tomtene. Den fjerde går ut seinare i år.
? Frå ein av kjøparane har me fått brev tilbake, der han ber om litt utsetjing for å bestemma seg. Frå dei andre har me så langt ikkje fått svar, seier Gerd Alis Håheim i administrasjonen til Strilen.
Ho tvilar på om denne måten å selja tomter på vert prøvde fleire gonger.