Innbrot hjå same bileigarane

? Dei rekna vel med bileigarane hadde skaffa seg nye anlegg til no, og det hadde dei, seier politibetjent Lars Geitle ved Lindås og Meland lensmannskontor.
Han fortel at politiet måndag føremiddag mottok melding etter melding frå fortvila bileigarar på Lindås som nok ein gong hadde hatt innbrot i bilane sine. Politiet veit ikkje sikkert om gjerningsmennene er dei same sidan førre tjuveriraid aldri vart oppklara. Men sidan dei har vore akkurat same ruta som sist, kan det sjå ut som same personane står bak, fortel Geitle. Innbrotstjuvane har i følgje politiet kome seg inn i dei låste bilane på ulike måtar.
? Eg vart veldig sur, seier Remy Ulvatn Nilsen frå Lindås, som i går morgon oppdaga at CD-spelaren var stolen for andre gong på to månader.
Tjuven hadde også strødd sand i setet, på rattet og golvet, truleg for å prøva å skjula spor. Ulvatn Nilsen kjøpte seg ny bil på førre fredag, og berre ei veke etter vart han altså utsett for innbrot og tjuveri for andre gong på kort tid.
Han reknar med å måtta betala for nytt anlegg sjølv, då det er eigendel på forsikringa.
? Dette er skikkeleg irriterande, seier han.