Innbrot hjå Sletta handel

Eigar av butikken Claus B. Pletten fortel at tjuveriet har funne stad ein gong tidleg på natta.
? Eg fekk melding klokka 05.00, og det var avisbodet som hadde oppdaga innbrotet, seier Claus B. Pletten.
? Tjuvane har teke tobakk, pengar, skrapelodd og elles det dei fann, seier han.
Kor mykje tobakk og anna som er stole har Pletten ikkje fått oversikt over, og han ynskjer ikkje å gå ut med kor mykje pengar tjuvane har fått med seg.

? Vore bra lenge
For nokre år sidan var Pletten plaga med stadige innbrote innbrot i butikken, men dei siste åra har det vore bra.
? Det har vore bra lenge, og det hjelper nok på at det bur folk i leilegheitene over butikken, seier han.
Men denne gongen har tjuvane teke sjansen, sjølv om det er husvære i etasjen over butikken. Innbrotet har sannsynlegvis gått stille for seg, sidan tjuvane har brote opp hovuddøra i staden for å knusa vindauga.
? Eg vert rett og slett forbanna når slik skjer, seier Pletten.

Rosar politiet
Politiet var tidleg på staden, noko Pletten er særs nøgd med.
? Det var faktisk politiet som varsla meg. Dei stillte med to mann tvert, lensmenna Kjell Idar Vangberg og Roar Tofting. Innsatsen til politiet er i dette tilfellet upåklageleg, og det er betryggande at dei stiller opp så raskt, seier Claus B. Pletten.