Innrømmer å ha skote Bakkebø

44-åringen er sikta for forsetteleg drap etter at Bakkebø vart drepen i ei brakke på Mjåtveit. I går sat han i avhøyr i 2-3 timar, og skal då ha erkjent at det var han som skaut.
? Me skal avhøyra han også i dag, og det kjem til å verta fleire avhøyr framover, seier lensmann Einar Vatne til Strilen.
Den drapssikta mannen skal ha antyda at han ikkje meinte å drepa Bakkebø.
? Me tykkjer det er fint at politiet i avhøyr ikkje tek det for gitt at skotet er avfyrt med vilje, seier advokat John Christian Elden, ein av to forsvararar for 44-åringen, til BT.
Politiet skal også ha fleire avhøyr av dei to vitna som var tilstades i brakka då drapet skjedde.
? Det er og fleire andre vitne me kjem til å snakka meir med. Me jobbar mellom anna med å finna eit motiv, seier Einar Vatne.
Det har ikkje lukkast Strilen å koma i kontakt med forsvararane til 44-åringen i dag.
Det er førebels ikkje klart om avhøyra vil halda fram i helga.