Jentejubel på Ekebergsletta

OSLO (Ekeberg):     I fjor kom Radøy/Manger sine jenter til 32-delsfinalen under Norway Cup. Dei har ikkje vore like gode i den heimlege serien i år, men då verdas største fotballturnering starta på Ekeberg i helga, vakna dei til live då dei slo Engerdal 2-1. Masfjorden i same klasse vann 3-1 mot Krokelvdalen frå Tromsø.
? Vi har definitivt ikkje vore like bra i år som i fjor. Håpet er at vi kan tenna til litt denne veka, seier Radøy/Manger trenar Truls Berntsen.
Iremlin Lundøy og Tonje Berntsen scora måla som sikra sigeren mot laget frå Gjermund Eggen si heimbygd.  
I fjor vann Radøy/Manger-jentene alt heime då dei spela i 2. divisjon. Denne sesongen har laget spela i 1. divisjon.
? Det er eit langt høgare nivå, og det har blitt mange tap. Dette har nok jentene tatt med seg vidare både på kamp og trening. Håpet er at innstillnga og tonen i laget kan snu seg no, seier trenaren.
? Det å vinna den første kampen i ei turnering er alltid viktig. Då føler vi at vi er med, sa dei to målscorarane.
I fjor gjorde Radøy/Manger-jentene det langt betre enn forventa.
? Det håpar vi å gjenta. Vi trivest her på Ekeberg, understrekar jentene. Dei to målscorarane var klart blant lagets beste.
Radøy har og Skade og Sterling i pulja.
? No er vi godt i gang, og ingen skal få noko gratis hos oss, avsluttar dei.

Avslutta sterkt

Masfjord sitt jentelag (Over)

Malin Rødberg Daa med to mål og Nina Hope Daa sikra Masfjorden ein fullt fortent siger mot Hellvik frå Rogaland. Etter 1-1 ved pause var Masfjorden klart best etter sidebyte.
Surnadal og Vestby er dei neste motstandarane, og Masfjorden er nesten sikra plass i eit av sluttspela uansett.
? Men vi vil til a-sluttspelet, seier dei kor. Då må laget bli blant de to beste. Lag tre i pulja endar i trøsteturneringa, medan lag nummer fire og sist i gruppa er ferdig på Ekeberg i dag.
Masfjorden sitt gutelag tapte 7-1 for Krokelvdalen,
Kvernbitlaga hadde ikkje same suksess opningsdagen. Juniorlaget tapa 1-0 mot Santa Gruenze, medan gutelaget tapte heile 9-1 for Alunorte Rainforest frå Brasil.
Jenter 14 redda litt av æra då dei slo Solid 4-0.