Jubel for Tommy

? Me er sjølvsagt veldig stolte av Tommy og det han har oppnådd, seier mor Janfrid Urhaug til Strilen.
Måndag ettermiddag møtte familien fram med flagg og plakatar for å ønskja den doble verdsmeisteren velkomen tilbake. Også Don Alexander frå styret i Norsk Bordtennisforbund ville gjera stas på den flotte uitøvaren av sporten.
Og først i køen av gratulantar stod sjølvsagt kona Gunn.
- Det er godt å ha deg heime att, sa ho etter at ho hadde gjeve han ein god klem.

Open klasse
Verdsmeisteren sjølv såg litt forlegen ut av oppstyret, men viste villig fram dei tre medaljane han tok i meisterskapen i Montreux i Sveits i helga og førre veke.
Til Strilen seier han at meisterskapen gjekk over forventningane.
-? Set du like stor pris på begge gullmedaljane, eller er den eine gjevare enn den andre?
? Det er klart at å vinna open klasse er litt ekstra stas, seier han.
Og innsatsen lovar god framfor OL for funksjonshemma i Beijing om to år.

Feira
Men feiringa av den doble verdsmeiseter frå Manger var ikkje slutt med dette. Etter at dei kom heim, var det ope hus. Då vart verdsmeiseteren feira med kake og meir jubel frå familie og vener.