Jubla for fjerdeplassen

? Me er kjempenøgde, seier leiar i Austrheim/Lindås Musikklag, Lena Andersen og strålar.
NM for brassband 2007 gjekk av stabelen i Grieghallen i helga, og medan andre lokale korps var skuffa, var ALML storfornøgde med plasseringa si. Korpset gjekk på scena nest sist fredag kveld, og framføringa deira av «Royal Parks» av George Lloyd fall godt i smak hjå dommarane. Ein delt fjerdeplass i tredjedivisjon er ein fin framgang frå fjorårets niandeplass.

Overraska
Dei to lokale elitekorpsa Eikanger-Bjørsvik Musikklag og Manger Musikklag har fleire gonger trona øvst på resultatlistene i noregsmeisterskapane, men Stavanger Brass Band vann også i år, og forsvarte med det fjorårets siger. Både EMBL og MML spelte for fullsett sal, og dei fekk strålande kritikkar frå publikum etter sine framføringar.
Manger Musikklag enda på ein sjetteplass, noko som kom som ei stor overrasking på medlemene, som i fjor fekk ein fin andreplass.
? Eg er overraska, og gler meg til å sjå dommarkommentarane. Nett no er plasseringa ganske uforståeleg, seier Camilla S. Tveit i MML like etter premieutdelinga.
Dommarane trekte spesielt poeng for MML si tolking av pliktnummeret. Dirigenten deira var i år som i fjor dr. Robert Childs, medan bror hans Nicholas John Childs leia EBML fram mot noregsmeisterskapen. EBML spelte seg til ein tredjeplass. Det er same plassering som dei fekk i fjor. Pliktnummeret scora korpset godt med poeng på, medan sjølvvalde «Eden» ikkje fall like godt i smak hjå dommarane.

Midt på treet
Oster Brass og Radøy Brass deltok begge i førstedivisjon. Radøy tok ein sjetteplass, eitt poeng framføre Oster. Begge korpsa klatra to plassar frå fjorårets plassering.


Her er alle resultata frå årets brass-NM:

Elitedivisjon:
(pliktnummer+sjølvvald) gjennomsnitt
1    Stavanger Brass Band - (95+97) 96
2    Krohnengen Brass Band - (91+95) 93
3    Eikanger-Bjørsvik Musikklag - (94+90) 92
4    Tomra Brass Band - (90+94) 92
5    Oslofjord Brass - (88+93) 90,5
6    Manger Musikklag - (89+91) 90
7    Molde Brass Band - (87+89) 88
8    Tertnes Brass Bjørn - (92+83) 87,5
9    Ila Brass Band - (85+88) 86,5
10    Sandefjord Brass Symposium - (86+86) 86

1. divisjon
1    Jaren Hornmusikkforening - 95
2    Oslo Brass Band - 94
3    Kleppe Musikklag - 92
4    Askøy Brass Band - 90
4    Laksevåg Musikkforening - 90
6    Radøy Brass - 89
7    Oster Brass - 88
8    Haukås Musikklag - 87
8    Sørum Musikklag - 87
10    Follesø Musikklag - 84
11    Alexander Brass Band - 82
12    Sola Brass Band - 78

2. divisjon
1    Jølster Musikklag - 95
2    Tertnes Amatørkorps - 93
3    Ørskog Brass - 91
4    Brøttum Brass - 90
5    Hornorkesteret Stavanger - 89
6    Stangaland Brass - 88
7    Vennesla Kristne Brass - 87
8    Gjesdal Brass Band - 86
9    Tysnes Musikklag - 84
10    Sagvåg Musikklag - 83
11    Tromsø Brass - 81
12    Flesland Musikklag - 80
13    Bergen Brass Band - 78

3. divisjon
1 Musikkorpset Gjallarhorn - 95
2 Kopervik Musikkorps - 94
3 Skui Brassband - 92
4 Austrheim/Lindås Musikklag - 91
4 Grenland Brass - 91
6 Rong Brass - 90
7 Borge Brass Band - 89
7 Fræna Musikkorps - 89
9 Hasle Brass - 88
10 Gjøvik Bybrass - 87
10 Trondheim Politis Brassband - 87
12 IMI Brass - 86
13 Nes Musikkforening - 85
14 Frei Hornmusikk - 84
15 Rosendal Musikklag - 83

4. divisjon
1 Langhus Brass - 93
2 Kjølsdalen Musikklag - 92
3 Lismarka/Mesnali Brass - 91
4 Brumund Nordaasen Musikkforening - 90
5 Kaland/Lysefjorden Musikklag - 89
6 Flå Musikkorps - 88
6 Rudsbygd Brass - 88
8 Fagernes Musikkorps - 87
8 Hordvik Musikklag - 87
10 Skeie Gladbrass - 86
11 Stavanger Kommunes Korps - 85
12 Lalm Musikkforening - 84
13 Hetlevik Musikklag - 83