Kan ikkje lova depot

? Det er viktig å få oversikt over situasjonen og kva skadeomfanget er, sa miljøvernminister Helen Bjørnøy til Strilen. Men ho ville ikkje lova fortgang i arbeidet med å få oljeverndepot på Fedje att.
? Me kan ikkje lova noko no når me er midt oppe i situasjonen. Me må vurdera utstyr, beredskap og struktur i ettertid, sa Bjørnøy.
? Når me skal vurdera dette er det to faktorar å ta omsyn til. Først er det den aukande trafikken, både i forhold til Mongstad og generelt. Men me må og sjå på om klimaendringane gjer at me får verre ver.
Det var nettopp det det kraftige uveret som gjorde at utlegging av lenser vart fånyttes på havaristaden. Samstundes ser det ut til at veret kan ha brote opp mykje av olja, slik at den ikkje lenger utgjer like stor ureiningsfare.

Vil ikkje flytta depot
Fungerande kyst- og fiskeriminister Dag Terje Andersen fortel at han allereie før ulukka kom med framlegg i Stortinget om å sjå på oljevernsituasjonen langs kysten.
    ? Det er nok uaktuelt å flytta depotet attende til Fedje, men samstundes treng me nok betre utstyr her på øya. Men me får ta ein ny gjennomgang for å få ein mest mogleg effektiv beredskapsstruktur på kysten, sa kystministeren.
Fedjeordførar Erling Walderhaug er meir optimistisk når det gjeld sjansen for å få depotet attende.
? Denne ulukka er eit forvarsel som illustrerer det me har meint lenge. Eg håpar dette vil vera ein vekkjar for mange, sa Walderhaug.

Press frå eige parti
Ågot Valle frå SV er mellom dei som snarast krev at depotet vert relokalisert til Fedje, men statsråd Bjørnøy vil ikkje svara på om ho let seg overtale av presset frå folk i eige parti.
? Eg har snakka med Valle fleire gonger dei par siste dagane, var alt ho ville seia om den saka.
Heller ikkje statsråd Andersen vil seia om han lytter til partifeller frå Hordaland i denne saken, sjølv om Arbeidarpartiet gjekk til val i 2005 med løfte om å få depotet attende til Fedje.