Kjøpefest med sur svie

– Me har ein auke i namssaker på 23 pro­sent frå 2010 til 2011, og det er urovekkjande, sa lensmann Einar Vatne på den årleg pressekonferansen der politidistriktet legg fram tala for fjoråret. Auken er langt større enn folkeveksten, og også langt større enn auken elles i Hordaland.

– Me har ikkje noko god forklaring på kvifor me har fått den store auken her, men ei årsak er rett og slett at folk kjøper ting utan at dei har råd til det. Eg var innom ein butikk i Åsane før jul, og der fekk eg opplyst at svært mange kjøper julepresangar på kreditt, sa Vatne.

Stadig yngre

Han kunne og fortelja at det er stadig yngre folk som må søkja om gjeldsordning fordi dei ikkje klarar å betjena gjelda si.

– No er det ikkje uvanleg at folk i 20-åra må søkja om gjeldsordning. Slik var det ikkje tidlegare, sa han og meinte at unge i dag er meir utolmodige og vil skaffa seg ting raskare enn dei har råd til det.

– Ofte er det kjøp av reine forbruksvarer som skapar betalingsproblema, det treng ikkje vera så store summane i utgangspunktet, seier Mariann Moe, som er seksjonsleiar for sivil- og forvaltningssaker ved politidistrik­tet og møter dei som får be­­­talingsproblem. Manglande betaling av straum- og mobiltelefonrekningar er også ganske vanleg, og når ting går til inkasso, vert summane raskt store.

Missa bilen

I første omgang kan ein få påleggstrekk i løn eller trygd, men viss ein ikkje klarar å gjera opp for seg på annan måte, vert det utleggsforretning, og då kan til dømes bilen ryka.

Les meir i Strilen si papiravis laurdag.