Klagar på støy frå rådhuset

? Suset frå ventilasjonsanlegget i det nye kommunehuset opplevest til tider som om me skulle bu nær eit stor fossefall. Det skriv ein bebuar i Grønlandfeltet i ei klage til kommuen.
Klagaren viser til at lyden får ein forsterkande effekt avdi han vert fanga mellom husveggane i feltet som ligg like ved.
I klagen vert det vist til at luftinntaket på den nye delen av kommunehuset burde vore mot aust. Ei slik endring vert kommunen beden om å gjera. Dette ville ikkje genera nokon som bur rundt rådhuset.
Også Meland Arbeidssenter får på pukkelen. Her er luftinntaket montert på taket på eit nybygg, noko som også fører til mykje støy, heiter det i klagebrevet. Dette anlegget går sju dagar i veka og vert først kopla ut ved 15.30-tida etter endt arbeidsdag. Også her vil naboane ha inntaket vendt i ein annan retning. Slik det no fungerer, kan det ikkje halda fram, meiner den som har klaga.
 «For oss som bur vis a vis er det temmeleg plagsamt å opphalda seg på terassen som vender ned mot arbeidssenteret», heiter I klagebrevet.
? Også Kiwi sitt inntak er til tider plagsamt om sommaren.
? Det vert i brevet vist til at støy ved soveromsvindauga ikkje skal overstiga 45 decibel, I følgje helsestyresmaktene. Målingar mot Arbeidssenteret viser ca. 60/70 db utandørs og om lag 50 decibel innandørs.
I brevet vert det i første omgang bede om flytting av inntaket på den nye delen av rådhuset.
For arbeidssenteret vert det bede om at dei ansvarlege tek ei synfaring.