Klart ja til to ungdomsskular

Det er klart etter at eit samrøystes formannskap i går gjekk inn for å rusta opp begge skulane.
Som Strilen tidlegare har skrive, opna rådmannen for å samla alle ungdomsskule-elevar på Frekhaug. Bakgrunnen er at det vert dyrt for kommunen å byggja ut på Rossland. Men formannskapet vil rusta opp begge skulane.

Fjorten millionar
Politikarane går inn for ein økonomiplan med til saman åtte millionar kroner til Rossland skule i 2007-2010, og seks millionar til Meland ungdomsskule i 2009-2010. Saka skal opp i kommunestyret 14. juni, men handsaminga der vert truleg ein rein formalitet.
? Eg kan aldri tenkja meg at kommunestyret kjem til å endra på dette, seier ordførar Solbjørg Åmdal Sandvik.

Nye klasserom
På Rossland skal det koma fleire klasserom og nytt ventilasjonsanlegg i gamlebygget. På Frekhaug skal pengane gå i hovudsak gje nye klasserom og grupperom. Utbyggingane må til for å takla at Meland får stadig fleire innbyggjarar.Krev Gulenruta til Bergen att

Byggjer ut Sagstad
 Sagstad skule bør byggjast ut i 2008-2009. Det var konklusjonen i formannskapet i går. Politikarane vil gje 8,2 millionar kroner til utbygginga. Dette vil gje nye klasserom i eit bygg på to etasjar, lokale til skulefritidsordninga og nye toalettanlegg. Skulen har behov for fem nye undervisningsrom pluss grupperom og rom til spesialundervisning. Årsaka er at det er planlagt fleire store byggjefelt i området. Nye bustader fører med seg nye elevar. Men no ser det altså ut til at skulen vert utvida.