Knallsal for Strilige karar

– Billettsalet går over all forventning. Me har hatt fulle hus både på Lindås, Hjelmås og i Austrheim, og det ser ut som at det kan verta fulle hus igjen til helga. Det er eit eventyr. Det er så gøy at det har gått så fint, og me er veldig glade for at folk har komme for å sjå på, seier Preben Hodneland.
Det er enno nokre få billettar igjen på Billettservice. Dersom desse òg vert selde, vert det kanskje ekstraførestillingar.
– Me vurderer det etter etterspurnaden, seier Hodneland.
Nett no er han og Tor Halvor ekstra spente på å få torsdag og fredag i boks. Torsdag og fredag speler dei begge i «Kaptein Knurr» i Gamle Bergen, like etter at dei har spela «Stones in his pockets» i Haugatun.
– Men me har finrekna på det, så det skal gå veldig bra, sjølv om det vert fire timar nesten i eitt, seier Hodneland blidt.