Kø etter trafikkulukke i Isdalstø

? Me fekk inn melding om ulukka ved 15.40-tida. Det ser ut til at to bilar er involvert, men det skal berre vera snakk om lettare personskade. Ulukka har ført til store trafikkale problem, får Strilen opplyst ved Hordaland Politikammer sin operasjonsentral.
Ein bil med hengar har kome frå Knarvik mot Isdal, og nesten i bunn av bakken har hengar og bil truffe ein bil i motgåande køyrefelt. Sjåføren forklarte at han fekk sleng på hengaren, traff ein anna bil og materialet han hadde på hengaren hamna i vegen.
? Det skal ha vore ein del ulukker på andre sida av brua i dag, men eg kan ikkje tenkja meg at denne ulukka skuldast glatt vegbane, seier politibetjent Grete Smith til Strilen ved ulukkesstaden.
Ved 16.00-tida var det kø langt forbi blandeverket på Flatøy, samt på riksvegen forbi Knarvik Senter mot Haglsundbrua/Isdalstø.
Like etter vart personbilane fjerna frå vegen og trafikken løyste seg sakte opp.
(Foto: Linda E. Eide)