Kraft-millionar til skitrekk

Det er idrettlaget Bjørn West som planlegg å byggja eit skitrekk i Perstova i Stordalen. Og dei ser ut til å gå god respons på planane. Denne veka fekk dei 200.000 kroner frå Sparebanken Vest til føremålet, kraftfondstyret har gått inn for løyving, og no er det fylkeskommunen som stiller seg positiv.
Idrettslaget har søkt om såkalla fyrtårnmidlar til prosjektet, og fylkesrådmannen går inn for at dei skal få 3,5 millionar kroner i tilskot, nesten halve kostnaden.
Saka skal opp i fylkesutvalet torsdag i neste veke. Pengane vert i tilfelle utbetalte neste år.

Gledeleg
? Dette er sjølvsagt svært gledeleg nyheiter, seier Arne Berg til Strilen.
Berg sit i tremannsgruppa som har utarbeidd planane for skitrekket.
Dei er no i gang med å rydda skog i traseen for heisen.
Om dei no skulle få dei 3,5 millionane, legg dei likevel ikkje om planane.
Til hausten vil dei setja opp eit mobilt trekk på 275 meter.
? Det skal stå klart når snøen kjem, lovar Berg.

Heilt til topps
Planen er at ein i neste omgang skal byggja eit permanent trekk heilt til toppen av Perstova. Med parkeringsplass og varmestove vil dette kosta 7,4 millionar kroner.
? Med pengane frå fylkeskommunen står det framleis ein del att før me har fullfinansiert heile anlegget, påpeikar Berg.
Pengane som fylkesrådmannen går inn for å bruka, er konsesjonskraftmidlar som fylkeskommunen har til fordeling. Både ordførar Håkon Matre i Masfjorden og Knut Moe i Modalen har kritisert at for lite av desse midlane kjem dei to kommunane til gode, trass i at mykje av krafta som midlane stammar frå, vert produsert nett i desse kommunane. No kan det vert retta litt på dette.