Kraftig auke i brutrafikken

Dermed kan det sjå ut som om mange fleire vel å bruka eigen bil til arbeid no etter at bompengane forsvann. Nordhordlandsbrua vart gratis på ettermiddagen nyttårsaftan, og for dei med klippekort forsvann då ei utgift på 27 kroner for kvar passering.

For dei tre første arbeidsdagane i 2006 er tala for døgntrafikken slik:

Måndag 2. januar 11.746 passeringar, tysdag 3. januar 11.063 og onsdag 4. januar 11.129.

Dette er fleir tusen passeringar meir enn tilsvarande dagar i 2004.

Om ein samanliknar tilsvarande dagar for dei tre åra 2004, 2005 og 2006 viser det seg at trafikkauken frå 2005 til 2006 er mykje større enn frå 2004 til 2005.

                                                måndag                     tysdag                        onsdag

2006 (veke 1)                       11.746                       11.063                       11.129

2005 (veke 1)                       8.323                         8.528                         8.869

2004 (veke 2)                       8.065                         8.131                         8.263

Forskjellen mellom 2006 og 2005 varierer mellom 3.423 passeringar måndag, 2.535 tysdag og 2.260 onsdag, med størst trafikk i år for alle dagane.

Trafikkteljarar nærare Bergen viser at ein ikkje kan sjå ein tilsvarande auke i trafikken inn til Bergen sentrum.

? Tala viser at det lite av denne auken som når Eidsvågstunnelen og Fløyfjellstunnelen, seier Mahmoud Ebrahimi, førstekonsulent i Statens vegvesen Region vest.