Krav om ubåtheving får støtte

? Me håpar at folk også utanfor Fedje vaknar og stiller opp i fakktog, seier Marie Karlsen. Fredag kveld danna ho aksjonskomité saman med Reidun Moldøen og Lisbeth Stuberg. Også fleire andre frå øya er med på aksjoen.
Målet er å få heva U-868 og få fjerna faren for kvikksølvutslepp for alltid.

Jens i Bergen
Torsdag er fleire sentrale politikarar inviterte til Fedje. Kven som kjem, hadde Marie Karlsen ikkje oversikt over i går føremiddag. Ho peikar på at statsminister Jens Stoltenberg er i Bergen same dag, men Fedje-beøk ligg ikkje inne i hans tidsplan.
? Men Stoltenberg vil få overlevert oppropet frå komitéen på Fedje, seier Karlsen.
Elles kjenner ho ikkje til om naturvern-aktørar som Kurt Oddekalv dukkar opp på Fedje. Bellona vert ikkje representert, fekk Strilen opplyst i ei tekstmelding frå organisasjonen i går.

Støtte frå Gulen
Av støtteerklæringar så langt, har Byrknes og øyane fiskarlag og Ytre Gulen Sanitetslag reagert spontant.
«I som bur på Byrknesøy i Gulen og er nære naboar til Fedje og kvikksølvet i ubåten, støttar «folkeopprøret på Fedje», heiter det i ein e-post Strilen har motteke. Her går det fram at det vert laga underskriftslister som i sin tur vert sende til aksjonsgruppa på Fedje.