Kuttar NBK-hus etter sjukemelding

? Dette dreiar seg om helsemessige problem for dei som er i bygget. Lærarane som har undervist i bygget, har tatt sine problem opp med både verneombod og tillitsvalde, seier avdeligsleiar for oppvekst, Ivar Nordland.

? Er det snakk om sopp og fukt?

? Det kan eg ikkje gå i detalj om. Fleire lærarar har vorte sjukemelde. Og ut frå deira reaksjonar går me ut frå at helsemessige problema kan gjelda alle alle som er i bygget over tid, seier Nordland.

BT skreiv i går at det dreiar seg om både sopp og kloakklukt i lokalet. Verken inspektør Sally Solberg eller tillitsvald Hilde Soltveit ønskte å kommentera saka overfor BT, «til dømes om dei mange sjukemeldingane inneheld eit snev av preotest», skreiv BT.

Språkundervisning

Det er flyktningar/framanspråklege som har fått si undervisning i bygget ved Knarvik stadion.

Kommunen si leige av bygget har pågått kring eit år.

? I alt er det snakk om 55 personar, alle over grunnskulealder. Etter at bruken av NBK-bygget vart stoppa torsdag, har undervisninga berre delvis stoppa opp. Me er i gang med å finna naudløysingar for elevane, opplyste Ivar Nordland til Strilen i går.

Kor vidt kommunen kjem til å nekta også huseigar NBK å bruka huset, kunne Nordland ikkje uttala seg om i går.

? Måtte setja foten ned

? Om det skal gjerast målingar av inneklimaet, vert opp til huseigar NBK. Klubben har lova og lova å få gjort noko med lokala, utan at noko har skjedd. No går det ikkje lenger. Kommunen måtte setja foten ned, seier adelingssjef Kjell Bjørnevoll i eigedomsavdelinga i ein kommentar.

Heller ikkje han vil uttala seg om det er sopp i huset. Men han seier at kommunen no har vald å ta omsyn til plager som deira tilsette har fått.

Kommunen har til no leiga kring 200 rutemeter av NBK, både kontor og undervisningslokale.

Forstår frustrasjonen

? Eg forstår kommunen sin frustrasjon. Det er ikkje tvil om at det har tatt tid å utbetra skadar enn lekkasjar. Men etter eit nyleg møte oppfatta eg det slik at me hadde frist ut året med å retta opp feilane, seier dagleg leiar Tore Kvalvik. Han viser til at det har vore tre lekkasjar i huset.

? Nyleg har me måtta ta opp eit golv som skal tørka. Me har hatt eit firma inne som har gjort målingar, utan at dei har påvist sopp. Me har gjort ein god del utbetringar, og me skal gjera meir, seier Kvalvik.

Styreleiar Harald Kvamme i NBK var i går ikkje informert om at kommunen med umiddelbar verknad hadde stoppa å bruka klubbhuset.