Kvalinvasjon i Austfjorden og Mangerfjorden

? Det var ganske spennande å vera der ute, men kvalane var heilt rolege. Dei kom heilt opp til båten, fortel Sondre Stall (20) til Strilen.
Han saman med fleire andre gjekk ut i ein sjark då dei fekk høyra at det var kvalinvasjon i Austfjorden.
? Dei var på veg inn til Stall, men så snudde dei. Kanskje fordi me kom, seier han.
? Kvalane gjekk i flokkar på seks-sju dyr i kvar, og det var store og små. Ein del var heilt tydeleg ungar, seier Sondre.
Av og til kom kvalane susande rett opp gjennom sjøen og opp i lufta. Nokre av ungane hoppa nesten opp av sjøen.
Men Sondre kunne ikkje høyra at dei laga lydar og kommuniserte på den måten.

Snudde og for
Kvalane var i fjorden i eit par timar. Ved halvsekstida snudde dei og for ut at fjorden igjen.
? Då dei kom på høgde med Kjekallen, forsvann dei ganske raskt, seier Sondre.
Han trur kvalane følgde etter fisk inn i fjorden. I går var fjorden full av makrell og pir.
Det er ikkje så uvanleg at det er kval i Austfjorden, men det er uvanleg at det er så mange på ein gong.
? Eg har i alle fall ikkje sett så mange, seier Sondre.

Truleg grindkval
Sondre Stall og dei andre som var i båten, var ikkje sikre på kva slag kvalsort det var.
? Det var i alle fall ikkje spekkhoggar, men dei var litt lyse under buken, sier han.
Kvalane hadde ein heilt tydeleg ryggfinne, og Sondre trur dei største kunne vera opp mot sju meter lange.
Ved Havforskingsinstituttet får Strilen opplyst at det mest sannsynleg er snakk om grindkval.
? Ut frå bilda er det ikkje mogeleg å fastslå det heilt sikkert, men det er det mest sannsynlege. Men hannane der vert sjeldan over seks meter, seier forskar Gjermund Bøthun til Strilen.

Ny observasjon
? Det må vera minst 100 kvalar, truleg spekkhoggerar, melder ein opprømt Malvin Lunde fredag ved 22.15-tida. Han melde frå til Strilen sin tipstelefon 97 15 10 20 og  Tips kan ringjast vakttelefonen 9715 10 20.rapporterer frå ein sjark som er på veg mellom Toska og Kårbø i Meland. Lunde meiner flokken er på veg mot Bognøy.
Dersom det er same flokken som torsdag var innom Austfjorden, kan det vera grindkval.
Folk som har foto av kvalane, kan senda desse til redaksjon@strillen.no.