Kvernbit dreg i frå

Dermed har Kvernbit full poengpott etter fem kampar, og toppar tabellen klart med 15 poeng og ein målskilnad på solide 26 - 5. På andre og tredje plass ligg Smørås og Dale med ni poeng, men med ein kamp mindre spelt enn Kvernbit.
? Dette var kanskje det beste me har gjort spelemessig i år, men me var ikkje så veldig effektive. Dermed vart det berre 3-1, seier spelande trenar Lars Petter Mongstad etter tre nye heimepoeng denne gongen mot Kjøkkelvik fredag kveld.
Mongstad nektar ikkje for at ordbruken «berre 3-1» avdekkar klubben sitt høge ambisjonsnivå. Og så langt ser det ut for at kursen mot opprykk til 4. divisjon er sikker nok, med fem strake sigrar på like mange kampar.
Mot Kjøkkelvik var det Frode Syslak (2) og Nils Jøssang som skåra måla, etter at Kvernbit også var i føringa til pause. Gjestane sitt mål var i følgje Mongstad ei gåvepakke. Elles missa laget sin andre spelande trenar, Øystein Hesjedal, på straffe.
Før kampen var både Robert Blom, Varg Klaveness, Vegard Åsebø og Erlend Åsebø på skadelista.
? I siste kampen vart i tillegg både Frode Syslak, Cato Geitanger, Kjetil Breivik og underteikna skada, opplyser Lars Petter Mongstad. Han vedgår at gjev vel mange på skadelista før neste runde, som er borte mot Osterøy alt i morgon.
? Men heldigvis er stallen solid. Og etter Osterøy-kampen er det ein liten pause, slik at me håpar dei fleste er borte frå skadelista i løpet av eit par veker, seier Mongstad.