Kvernbit fossar vidare

Det var aldri tvil om kvar poenga ville enda i denne kampen. I deler av kampen, særleg dei første 20 minuttane, spelte Kvernbit strålande fotball. Dei vann kvar einaste duell og fann kvarandre på bana med raskt pasningsspel. Men i periodar fall dei tilbake til gamle synder og sleppte Arna Bjørnar 2 inn i kampen. Men nokon stor fare var det aldri på ferde. Det einaste målet gjestane fekk i kampen, var eit sjølvmål etter eit forferdeleg tilbakespel av Erik Skåtøy som gjekk forbi eigen keeper og i mål.
Målskårarar var Robert Blom (4 min), Frode Syslak (17 min) og Syslak  igjen (32 min), og dermed var publikumsgarantien på tre mål oppfylt.
Nils Jøssang la på til 4 - 1 sju minutt ut i 2. omgang, etter dagens flottaste angrep. Tommy Rossland kom seg til hjørneflagget, la skrått ut i feltet der Jøssang skåra på direkten. Spelande trenar Øystein Hesjedal teikna seg deretter på skåringslista med to flotte skot frå vel 16 meter i det 53. og det 63. minutt. Fleire skåringar vart det ikkje, og kampen enda 6 - 1 til Kvernbit.