Kvernbit vann i tøff kamp

5. divisjon, menn: Kvernbit - Hettlevik 2-1 (2-1)
Hetlevik ligg nederst på tabellen og er eit lag som Kvernbit absolutt bør slå viss dei skal ha sjanse til å rykkja opp. Men kampen på Fossemyra vart ikkje heilt slik Kvernbit ønskte.
? Medan me prøver å vera eit spelande lag, slo dei mange lange ballar framover. Slik vart det ein del frispark og innkast, som stykka opp spelet, seier spelande trenar Lars Petter Mongstad til Strilen.

Var best
Kvernbit tok leiinga ved ei skåring av Varg Klaveness. Hetlevik greidde å utlikna, men laga seinare sjølvmål, slik at det stod 2-1 ved pause. Det vart også sluttresultatet.
? Eg meiner me var best og hadde kontroll, seier Mongstad.
Kvernbit hadde ein rekkje sjansar som ikkje resulterte i mål.

Mange skadar
Kampen var ganske fysisk, og det enda med mange skadar for Kvernbit. Begge dei spelande trenarane måtte gå ut med skade før første omgang var slutt. Øystein Hesjedal fekk ei skikkeleg lårhøne, men håpar å spela laurdag. Mongstad fekk ei spark i hofta og er meir usikker. I tillegg skada Frode Syslak seg under oppvarminga ved å trakka over. Kjetil Breivik vart også skada.
Kvernbit spelar borte mot Apollo laurdag, og dette er også ein kamp dei bør vinna, seier Mongstad.