Leilegheit selt for 2,5 millionar

? Det er dyrt for området. Men samstundes er det ei fin leilegheit. I Bergen sentrum må ein ut med fire millionar for noko tilsvarande, seier Tom Jørgensen i Notar Eiendom.
Leilegheita ligg i Havnevegen 64, ei fire år gamal lågblokk heilt i sjøkanten med utsikt mot Nordhordlandsbrua. Fireroms-leilegheita har eit buareal på 101 kvadratmeter, og eit bruttoareal på 110 kvadrat. Seljaren kjøpte sjølv leilegheita for 1,65 millionar kroner. No har han seld den for 2,52 millionar. Såleis har leilegheita hatt ein verdiauke på 870.000 kroner på tre år. Men den høge prisen til trass, det var ikkje veldig stor rift om bustaden. Ein annan eigedomsmeklar prøvde utan hell å selja leilegheita før Notar fekk oppdraget.
? Me hadde tre visningar før den vart selt. Det var berre ein som gav bod, og det første bodet var på 2,1 millionar kroner, fortel Tom Jørgensen.
Men seljaren selde ikkje før kjøparen gjekk opp i 2,52 millionar.
? Det løner seg ofte med fleire visningar, seier Jørgensen.
Kjøparen kan no gleda seg over sjøutsikt med høve til å fiska frå altanen. Leilegheita har bad, gang, kjøkken, omkledningsrom, tre soverom og stove, og eigen plass i felles garasjeanlegg.