Leiteaksjon i Gulen

Dei tre vart litt etter klokka ti plukka opp på Tungodden, og flogne til Flesland med redningshelikopter frå HRS på Sola. Då hadde det ei tid vore leiteaksjon både nord og sør for Sognesjøen. Havaristane melde sjølv frå om at dei hadde kome seg i land på ein holme, men dei visste ikkje var dei var, melder NRK Sogn og Fjordane.

Frå Tysnes
Dei tre var på veg frå Tysnes i Sunnhordland til Måløy med sjarken, men fekk problem med gir og straumforsyning i den 42 fot store farkosten. Klokka 08.25 varsla dei sjølv Hovudredningssentralen (HRS) om at dei dreiv i Sognesjøen. Sognesjøen ligg ut for munningen av Sognefjorden, mellom Gulen og Solund.
Ein halv time seinare varsla dei tre HRS om at dei hadde berga seg i land på ein holme, men dei visste ikkje kvar.
Eit redningshelikopter frå HRS på Sola og fleire båtar deltok i leiteaksjonen.

I fjøresteinane
Sjarken ligg framleis i fjøresteinane ved Tungodden på Steinsundøy i Solund, melder NRK.