Liv Oda Dale ordførarkandidat

På fylkestinget
Liv Oda Dale kan verta den første kvinnelege ordføraren i Masfjorden. I alle fall toppar ho lista til Arbeidarpartiet.
Dale har til no vore aktiv i fylkespolitikken, og ho sit no i fylkestinget og i oppvekst og helseutvalet i fylket.
Dale jobbar som kontorfullmektig på Nordbygda skule. Ho er også med i songkoret Spleis og leiar i Korforbundet i Hordaland. Lars Solheim har andreplassen, og Dina Dyrhovden har tredjeplassen på lista.

Haukeland ute
Partiet sin førstekandidat gjennom mange år, Helge Haukeland, har fått plass litt lenger ned på lista til 2007-valet. Haukeland, som var ordførar i førre periode, har ellevteplassen på lista.
Reidun Kvamsdal, som har vore gruppeleiar, tek ikkje attval.
Dei første på lista etter Dale er Lars Solheim, Dina Dyrhovden, Laila B. Solhaug Reknes og Bjørn Egil Nordland.
Arbeidarpartiet i Masfjorden slit med å finna kandidatar på sørsida, og det har dei heller ikkje greidd i år.