Manger-kinoen på topp igjen

Totaltalet er litt lågare enn i 2005, men det året var det litt fleire framsyningar enn i 2006. Snittet per visning er det same for 2005 og 2006, med 73 gjestar på Manger.
Lindås er også høgt oppe på lista med sine 1.584 kinogjestar, og på Lygra var det 1.302 som løyste billett i fjor.
Alle mest populær av filmane var «Istid 2», som nok særleg appellerte til dei yngre strilane. Med 1.893 billettar til denne filmen hadde Nordhordland faktisk ein åttandedel av billettsalet til denne filmen for Bygdekinoen i heile landet.

Barnefilmar
Svein Sellevold i Bygdekinoen fortel at det er barnefilmane som dreg publikum til kinoane. «Istid 2» toppar føre «Biler», deretter kjem «Legenden om Narnia», «Olsenbanden jr. på Cirkus» og «Pusur 2».
? No i næraste framtid kjem det også ein ny Olsenbanden junior-film, seier Sellevold, som har kjørt Bygdekinoen-bilen i snart seks år.
? I sommar kjem ein ny Harry Potter-film. Av ungdomsfilmar kan nemnast den tredje Pirates of The Caribbean-filmen. Det vert artig å sjå Keith Richards, han skal ha ei rolle der.
Sellevold har også trua på dei norske filmane, etter at fleire av dei siste har vore gode.
? Ta til dømes «Fritt Vilt», den var bra.

Slutt for Frekhaug
På Frekhaug har det vore visningar i Meland Aktiv, men hausten 2006 vart det slutt på dette.
? Det var problem med å få folk til å stilla som vakter. Det var kommunen som stod for dette, og dei synest det var veldig trist at det tok slutt, seier Svein Sellevold.
Bjordal i Høyanger har no fått visningsdagen som Frekhaug hadde.

«Kabal i hjerter»
Sellevold skal no ut og visa Øyvind Sandberg sin film «Kabal i hjerter». Filmen skal visast på ulike ungdomsskular, mellom anna på Manger, i Alversund, Knarvik og på Lindås.
? Akkurat i desse dagar er eg rundt og ser på lokala som filmen skal visast i, seier Svein Sellevold.
Desse skulevisningane vert det dekka av fylkeskommunen, gjennom pengane som er sett av til «Den kulturelle skulesekken».