Mann skadd i ulukke på Frekhaug

Det var ikkje andre bilar involvert i ulukka, og sjåføren var aleine i bilen.
- Mannen var bevisstlaus, men vakna til att før han vart kjørt vekk i ambulansen, seier politibetjent Glenn Vaage ved Lindås og Meland lensmannskontor.

Mannen har sannsynlegvis kjørt på ein støypekant (sjå merket i støypekanten framme i biletet), så har bilen skrensa over mot andre sida av vegen, før bilen så knuste ned ein støypekant ved innkjørselen til eit privathus.
Politiet opplyser at det vil verta tappa blod til promilleprøve.
- Det vil verta gjort ein rutinemessig promilleprøve, seier politibetjent Vaage.
Ulukka skjedde på Mjåtveitvegen på Frekhaug, på strekninga mellom krysset ved det gamle meieriet (ungdomsklubben) og avkjøringa til Nordhordland folkehøgskule.
Lindås og Meland brannvern var raskt på plass, men bortsett frå å strø sand på olja som lak ut var det ikkje naudsynt for dei å gjera noko.