Marius tok sølv i nordisk

? Det er klart eg er kry! seier mamma Elisabeth Sjursæter. Ho seier at denne medaljen er blant dei som heng aller høgast av mange medaljar sonen på snart 20 har hengjande heime.
Marius tok gull i nordisk meisterskap alt som 12-åring, men då i ein annan stilart, som medlem i den lokale karateklubben. No har lindåsingen gått over til den tøffare kinesiske kampsporten Wushu og stiller for Flaktveit IK Kampsport.
I finalen i klassen H-70 møtte Sjursæter ein av europas beste Sanshou-kjemparar frå Sverige.
? Kampen vart jamn. Dette er første gong nordisk meisterskap i Wushu vert arrangert. Sverige har lang tradisjon i deltaking i Wushu-meisterskap i Europa og resten av verda. Så det er veldig bra utført av Marius å ta sølv, seier leiaren i Flaktveit IK Kampsort, Rhoar Skjøndal.
Svenskane gjekk til topps i dei fleste klassane i Oslo, men Flaktveit-klubben tok også to sølvmedaljar til, ved Jan-Rhoar Skjøndal og Jose Aquilar.