Måtte flykta frå orkanen

MELKØYA: Den sterke vinden og kulda gjorde at alt snøsprøyten glaserte alt han kom i kontakt med. Bildet vart tatt like før dei Statoil-tilsette vart evakuerte frå øya.

Dei to jobbar vanlegvis ved Statoil Mongstad og bur i Hillandfeltet. For tida jobbar dei med ferdiggjeringa av Snøkvit-anlegget på Melkøya, og der har arbeidet vorte stoppa opp.
? Vinden vart så sterk at hustaka på nabohusa tok til å fyka av. Politiet stengde vegen til feltet der me bur. Då var det berre å flytta på hotell. Og der har me budd fram til i dag, opplyste Solhaug på mobil til Strilen i går morgon.
Solhaug er sjølv nordlending og dermed ikkje uvant med litt vind.
? Men det får no vera måte på! seier han etter dei siste dagars opplevingar. Solhaug var sjølv blant dei kring 100 i byen som fekk knust ei rute i bilen av fykande småstein. Det er det tørre veret i det siste som har ført til at småstein ikkje held seg på bakken i dei verste vindkasta.
Som alle andre tilsette ved anlegget på Melkøya er det lokale sambuarparet permittert fram til måndag morgon.
? No i dag kjem me til å undersøkja om me kan flytta innattt i bustaden, seier Sondre Solhaug til Strilen.