Meiner Frekhaug-drapet vart utført med vilje

Den 63 år gamle forretningsmannen Harald Bakkebø vart skoten og drepen på industriområdet på Mjåtveit 3. mars i år. Ein 44 år gamal mann frå Nordhordland melde seg til politiet i Bergen same dag. Bakkebø og 44-åringen har hatt forretningar saman. Drapsvåpenet har ikkje vorte funne.
Den sikta 44-åringen har vedgått å ha skote partnaren sin, men han hevdar at han berre skulle truga Bakkebø, skriv bt.no. Politiet skal i følgje BT ikkje vera einig i forklaringa om at hagla gjekk av ved eit uhell. Saka er oversendt statsadvokat Walter Wangberg.
Uaktsamt drap har ei strafferamme på maksimalt seks år, medan forsetteleg drap kan gje opp til 15 års fengsel.
Den sikta sin forsvarar, John Christian Elden, seier at ein avventar tiltalen frå Riksadvokaten.