Meland trugar med å levera bos til Bergen

Ein samrøystes uttale frå formannskapet onsdag seier i uvanleg klare ordelag kva Meland meiner om styret sitt nedleggingsvedtak.
Det går ut på at stasjonen i Knarvik vert avvikla frå 1. april 2008. Frå då av skal folk i søre delen av området levera direkte til Kjevikdalen.
? Me ber styret om å vurdera dette vedtaket på nytt. Elles er det sannsynleg at me vurderer å melda oss ut or NGIR og tek kontakt med Bergen kommune, som er interessert i å ta imot meir boss, seier ordførar Åmdal Sandvik.
Ho viser til at for mange i Meland er det fire mil til Kjevikdalen.
? Og i tider der ein tenkjer miljøvern og mindre utslepp, er det ingen god politikk, seier Åmdal Sandvik. Ho viser til at stasjonen i Knarvik er svært mykje brukt av folk frå Meland. Vert det kutta ut, er det kortare veg for folk å levera boss til stasjonen Bergen kommune har i Hordvik-området.