Melano jazza i senteret

Dei unge jazzgutane har arrangert Jazzpub to gongar tidlegare i Meland. Fredag var den jazza puben open for tredje gong.
- Me har jo veldig hard konkurranse i gullrekka på NRK. Det er ei utfordring å få folk til å trekka ut av sofaen på fredagskvelden, seier Anders Dalland, trombonisten og marknadsansvarleg i gruppa.
Det er ikkje rare slanten dei tener på prosjektet, men dei håpar å ikkje gå i minus.
- Me spelar for å ha det gøy. Me synest rett og slett det er kjekt å spela, seier Sigve Engeseth.
Laurdag spelte dei i Knarvik for å kapra litt fleire fans, og stemninga var god blant lyttarane.
- Det er ein triveleg pub med god underhaldning, som mange bør ta turen og oppleva, seier Dalland.
Laurdag kveld kan dei altså opplevast på Holme i Meland.  Alversund Jazzband spelar også ei eiga avdeling på Jazzpuben laurdag.