Misfarga vatn i Rydlandsvågen

Strilen har vorte kontakta av folk som fortel at det måndag spruta vatn ut i Rydlandsvågen som gjorde fjorden heilt misfarga.  Vatnet kjem frå renovasjonsselskapet NGIR, og innringjaren meiner at dette ikkje kan vera lovleg. Når Strilen kontaktar NGIR, får me følgjande svar:
? Dette er nok berre steinstøv. Me har bora to hol for å føra overflatevatn frå Kjevikdalen til Rydlandsvågen, og desse tunnelane vert no spylte, fortel fungerande leiar ved NGIR, Erlend Kleiveland, til Strilen.

Ikkje ureina
Kleiveland opplyser at vatnet som no kjem ut i Rydlandsvågen, ikkje har vore gjennom fyllinga i Kjevikdalen.
? Det er overflatevatn frå området ovanfor fyllinga, og bakgrunnen for at me samlar det opp og fører det over til Rydlandsvågen, er for å hindra at det renn ned i fyllinga, seier Kleiveland.
Når tunnelane er ferdig spylte, trur Kleiveland at misfarginga vil forsvinna.
Kleiveland fortel og at folk frå Lindås kommune har teke kontakt fordi dei trudde det var brot på ein vassleidning som førde til vasspruten i Rydlandsvågen.