Miste livet i frontkollisjon

To personbilar kolliderte front mot front på E39, like aust for Eikanger Hagesenter.

– Furnes miste nok livet momentant, seier Einar Vatne, lensmann i Nordhordland.

Føraren av den andre bilen måtte skjerast laus frå vraket, og vart så sendt til Haukeland Universitetssjukehus med ambu­lansehelikopter.
Dei to var åleine i bilane.

Påverka
22-åringen som kjørte den andre bilen, vart seinare søndag utskriven frå sjukehuset og kom heim. Politiet har ikkje gjennomført avhøyr, men dei har snakka med mannen, og klarlagt nokolunde kva som har skjedd.

– Det er 22-åringen sin bil som har kome over i feil kjørefelt, seier lensmann Vatne.

– Han er mistenkt for kjøring i rusa tilstand, sannsynlegvis er det tale om alkohol, seier Vatne.

På natta
Politiet fekk melding om ulukka klokka 02.15 natt til 1. nyttårsdag.

Politiet var saman med redningstenestene raskt på plass, utan at dei kunne berga livet til 30-åringen.

Den omkomne var på veg innover langs E39, medan 22-åringen var på veg i retning Knarvik.

Det skal vera ei minne­mar­kering på staden i etter­middag (tysdag).