Møte om Rylandsvassdraget

Tom Sverre Tomren (KrF) er leiar for utvalet som skal arbeida med saka. Han oppmodar alle som har interesse for Rylandsvassdraget, om å koma på møtet. Dette gjeld enten at dei eig grunn rundt vassdraget, har hytte der eller er brukarar av området på annan måte.
? Dei innspela som kjem fram på folkemøtet vert førande for det vidare arbeidet, seier Tomren.

Næring og vern
Med seg i utvalet har han Rune Skår (Sp) og Atle Håtuft (FrP), Sveinung Toft frå administrasjonen og ein konsulent. Dei skal utarbeida eit forslag til forvaltningsplan for vassdraget, som seinare skal opp til politisk behandling.
? Det me skal sjå på er forholdet mellom næring, vern og friluftsliv. Det har vore ein del konfliktar rundt Rylandsvassdraget. Men samstundes må eg seia at forvaltninga av området har vore førebiletleg. I dag er dette eitt av dei best ivaretekne vassdraga i heile regionen, seier Tomren.

? Kom med innspel
Tomren oppmodar også dei politiske partia om å vera aktive. Eitt av dei områda han ser for seg bør drøftast, er graden av motorferdsle på vatnet. Det kan til dømes vera aktuelt å drøfta avgrensa storleik på båtar som skal ferdast der.
? Eg har sjølv opplevd at ein stor båt passerte forbi i stor fart då eg padla i kano der, seier Tomren.
Forvaltningsplanen vil leggja føringar på korleis området skal nyttast i framtida, og det er veldig viktig at innspel i saka kjem på eit tidleg tidspunkt i planfasen, påpeikar han.