Musikkundervisning på vidaregåande

Det er snakk om fem timar musikk i veka i andre klasse, eller kanskje i to av åra. Men dette er avhengig av at dei får dei klassane det har vore sagt dei skal få, og at interessa blant elevane er stor nok. 10. klassingane ved Årås skule, Maren Espelid og Kristine Holm Sylta, som Strilen intervjua til tysdagsavisa, meinte at ein del elevar ønskte eit tilbod innan musikk, dans, drama og media og kommunikasjon. Nok kan altså dette delvis verta oppfylt.
Kvingedal meiner det er eit lenger lerret å bleika å få eigne programfag innan musikk, dans, drama og media og kommunikasjon.
? Men me burde hatt i alle fall hatt programfag innan musikk, dans, drama i regionen, når ein ser på interessa og kvaliteten til dømes innan brass band-rørsla, seier han.
Han ser ikkje vekk frå at det kan skje gjennom eit samarbeid med Knarvik vidaregåande skule, dersom det er interesse for dette. Lærarkrefter er i alle fall ikkje noko problem, meiner han.
I første omgang er det altså snakk om å kunna gje eit tilbod i Austrheim om undervisning innan musikk, sjølv om dette ikkje vert eit eige programfag. Det tilbodet kan verta aktuelt frå hausten 2007.