Nappane kan få ny veg

? Då Nappane-planane var oppe kring 1990, var det drøfta administrativt å få vurdert ny veg via Skare i Alversund.
Det seier avdelingsleiar John Bauge ved teknisk etat i Lindås. Han viser til at det er snakk om godt under to kilometer frå Skare til Nappane gjennom utmarka.

Skare-Nappane?
? Ei stor utbygging på Nappane kan medføra utbetring både av kommunevegen Myksvoll-Nappane og fylkesvegen nordover frå Seim. Då kan ny veg frå Skare vera fornuftigare,  sjølv om dette og kan medføra utbetringar på fylkesvegen forbi Kvamsvåg, seier Bauge.

Rundkøyring aktuelt
Lindås kommune har også tatt høgde for at det kan verta behov for ei rundkøyring på Nappane. Rundkøyringa kan etter reguleringsplanen koma på ein naboeigedom som er ute for sal. Det går fram av opplysningar til Eiendomsmegler Vest.
Kommunen gjer merksam på at ein liten del av eigedomen er regulert til vegføremål. Det gjeld ei rundkøyring og tilkomst til hytteområdet «Nappane Ferie-senter.
Småbruket der det kan koma rundkøyring, er eigd av Nils Guttorm Titland, som er busett i USA. Prisantydning er 1,8 millionar kroner.
Vassforsyninga til ein eventuell ferielandsby på Nappane kan koma frå Radøy.
? Sjøleidning frå Radøy er i alle høve den kortaste og enklaste løysinga. Men så vidt eg kjenner til, er det ikkje tatt kontakt med Radøy kommune om dette, seier Bauge.